Rana Ahmed. Powered by Blogger.

سويها بنفسك ❄️ : مشروبات دافية شتوية ☕️




أهلين بنات
نزلت باليوتيوب طريقة مشروبات شتوية تسووها وقت البرد عشان تدفون كويس
بالعافية مقدماً

كيف تختاري الكوتكس المناسبة لك ؟




 أهلين بنااات كيف الحال إن شاء الله مبسوطين ؟
في هذه التدوينة راح أقولكم كيف تختاروا الكوتكس المناسبة لكم ..
في البداية خلوني أقولكم إن كوتكس أنتجت فوط جديدة توفر لنا ثلاث حاجات بقطعة وحدة اللي هي : ثلاث في واحد ، وميزتها إنها توفر حماية وراحة وشكل مناسب ، كثير متحمسة إني أجربها خلال هذا الشهر لأني زي ماقلت لكم بالفيديو أنا مُخلصة لهذه الشركة مره ههههه .

خلوني أقولكم أول شيء النوعين الرئيسين اللي تشوفونها دايماً بالأسواق للدورة الشهرية :
١ - Maxi Pads - يعني فوط سميكة .
٢ -  Ultra Thin - فوط رقيقة جداً .
في منهم تجي بـ wings يعني أجنحة تثبت الفوطة بالملابس الداخلية وهذه اللي دايماً أفضلها وبعضها تجي بدون أجنحة .
وفي منهم تجي بتصميم يدنن ملونه عليها زخارف لطيفة جداً زي كذا وهي المفضلة عندي :




اللي تحس تدفق الدم الله يكرمكم عندها كثير وبغزارة يصير تتوجه للماكسي اللي هي رقم واحد أما لو تدفق الدم عندك خفيف يصير اتجهي للرقيقة جداً اللي هي رقم اثنين ، يعني حسب تدفق دمك تختاري سماكة الفوطة ماكسي تمتص أكثر وتوفر لك حماية أضمن من إن تتوسخ ملابسك أو يصير في تسريب فالأفضل اتجهي لها ، أما لو تدفقك خفيف فأحسن شيء توجهي للرقيقة.

كمان لكل نوع ذكرتهم فوق يمتدوا لأنواع ثانية وهذا اللي ألاحظه إن في بنات كثير مايعرفوا يفرقوا بين هذه الأنواع ومايهمهم ، أتذكر مره زارتني وحده في بيتي ودخلت حمامي الشخصي وشافت إني كنت مرتبه كذا كيس لكوتكس فوق بعض وانفجعت قالت ياساتر شكلها مؤونة سنة لكن للأسف هي ماكانت عارفه إن اللي كنت مرتبتهم أنواع واستخدم كل وحده فيهم ع حسب الاحتياج وراح أشرح لكم ذحين إيش وكيف :) !

 راح أشرح لكم على ماكسي الجديدة وبتلاقوا نفسها بالضبط مكتوب على الرقيقة :


زي ماتشوفوا النوع الأول Maxi يتفرع لثلاث فروع وهي :
١ - Maxi Normal : ماكسي عادية
٢ - Maxi super : ماكسي كبيرة 
٣- Maxi nighttime : ماكسي الليلّية 

لو تلاحظوا في زي شكل القطرة ٦ نقاط هذه منها تعرفي كيف تختاري اللي تناسبك حسب تدفق دمك .

النوع اللي مكتوب كبيرة هذه استخدمها في اليومين الأولى من الدورة الشهرية خلال اليوم كله استخدم هذا النوع فقط مع التغيير كل ٤ أو ٥ ساعات أو حسب ماتقتضيه الحاجة ، ليش ؟ لأن وقت بداية الدورة سبحان الله الدم ينزل بغزارة ، بعدين وقت النوم استخدم اللي مكتوب عليها الليلّية ، لأن وقت النوم إنتي تكون منسدحة ع ظهرك وهي تجي طويلة وعريضة من نهايتها فتخيلي إنتي نايمة ٨ ساعات مثلاً على ظهرك يصير تسرب فضيع فالأفضل وقت النوم نستخدم الليلية عشان تحمي ملابسنا خلال هذا الوقت من اليوم ، بعد اليومين الأولى يصير ألبس النوع اللي مكتوب عليه العادية ليش؟ لأن الدم يبدأ يخف فإذا لبست النوع الكبير بيترمي منه جزء كبير وهو غير مستخدم ، ووقت النوم أكمل مرات ألبس الطويلة بدل الليلية ومرات ألبس الليلية .

طيب هذه إضافة مني لأني عارفه في بنات كثير يتابعوني تحت الـ ١٢ سنة وكمان للي تتابعني وعندها أخوات بذا العمر أو حتى بناتها ، أغلب البنات للي تحت الـ ١٢ سنة يكون جسمها جداً صغير ، وكثير بنات بذي المرحلة خلونا نقول الابتدائية تجيهم الدورة الشهرية ، فكيف تختاري لها النوع المناسب ؟ فإذا إنتي أقل من ١٢ سنة وتقرأي كلامي أو حتى أكبر وعندك أختك أو بنتك بذا السن ، في كوتكس مخصصة لكم :) ، طبعاً أنا ماكنت أنتبهه لها لين شفت أمي تشتريها مخصوص لأختي اللي بالثانوي من كثر ماجسمها صغير فما بالكم باللي بالابتدائية !؟ المهم راح أوريكم هذا النوع وبتلاقوا منه مليان في الأسواق والصيدليات بكل مكان :



يجي مكتوب عليها Young - شابة ، هي متوفرة بالأنواع اللي ذكرتها فوق بس مالقيت بالإنترنت غير هذه الصور .


طيب نجي لآخر شيء وهو الفوط اليومية ، من اسمها فوط يومية يعني حاجة تستخدمينها لكل يوم عشان تحمي ملابسك الداخلية من الافرازات الداخلية وتجي بكذا نوع ولكن غالباً تكون نحيفة جداً أقرب لنحف الورقة ، ويجي منها المعطر والمو معطر ويجي منها مقاس عادي ويجي مقاس طويل .



وكمان عندي لكم فكرة أو استخدام أنا أسويه هههه ، بآخر يوم للدورة يكون تدفق الدم أشبهه بالمختفي بس بين ساعة وساعة ينزل نقطة بس ، المهم لحد ذحين محد اخترع حاجة خاصة بذا الوقت ههههه ولكن مع ذلك أنا أستخدم بذا الوقت الفوط اليومية .

مثل ماذكرت في الفيديو البنات الصغار اللي يقرأوا التدوينة لو عندك سؤال عن الدورة ومستحية تسألين أحد بامكانك تدخلي موقع كوتكس وراح يساعدونك بدون ماتخجلين :

www.kotexarabia.com

كذا يكون خلصت التدوينة يارب مايكون نسيت ولا معلومة مهمة ومفيدة يعني راح أخلي الموضوع قابل للتعديل والإضافة في المستقبل في حال كان في نصائح ومعلومات مهمة جديدة أو نسيتها ، أبغاكم تكتبوا لي إنتم كيف استخدامكم والنوع المفضل عندكم من كوتكس :) .





الفيديو الأكثر طلب منكم : كيف أرسم حواجبي ؟ - شيوكا



الأدوات اللي استخدمتها هي :

قلم الحواجب من أنستازيا - الدرجة : دارك براون - السعر : حول ١١٠ ريال 
الباودر من أنستازيا - الدرجة : إيبوني - السعر : حول ١٢٥ ريال 
المسكارا من ميبلين - الدرجة : شفافة - السعر : حول ٥٠ ريال 


مشترياتي لعناية البشرة من المغرب // Morocco Haul





♡لا تنسوا تضغطوا على زر الإعجاب والإشتراك بالقناة♡
مره منقهره إني ماشتريت أشياء للبيت كديكور ولا ملابس ولا شيء كان مرره نفسي يكون في وقت زايد بس المرات الجاية أحسن ، هذه مشترياتي البسيطة للعناية بالبشرة من المغرب ، وكلها أخذتها من السوبر ماركت .


سجلي حضورك لإيفنت بطلة هنا :
https://docs.google.com/forms/d/e/1FA

فيديو اللي ذكرت فيه الشامبو وتكلمت عنه :
https://www.youtube.com/watch?v=keNeN...

فلوق يوميات المغرب :
https://www.youtube.com/watch?v=DMMjG...



مدونتي : www.chioca.com
قناتي الثانية : رنا فلوقز :www.youtube.com/user/ranavlogs
تويتري : www.twitter.com/AnaaChicc
انستقرامي : www.instagram.com/anachicc
سناب تشات : AnaChioca

شكراً بنات لدعمكم أحبكم أكثر شيء بالحياة ♡♡

كيف أستعد للدوام إذا صحيت متأخر!! أسرع مكياج و شعر و ملابس و فطور





أنا أدرس بالجامعة أون لاين ما أداوم كل يوم بس هذه الظروف تحصل لي أيام الاختبارات أو حتى أيام المدرسة زمان هههه ، إنتم قولو لي لما تتأخروا كيف تتصرفوا ؟


الآدوات اللي استخدمتها بالفيديو :

غسول ومرطب ديرمالوجيكا أخذتهم من دبي حول ٥٠٠ ريال .
أداة تنظيف البشرة من فوريو لونا للبشرة المختلطة أو الدهنية أخذتها من موقع بريطاني كان مسوي تخفيض بـ ٧٠٠ ريال تقريباً.
مرطب الشفايف أخذته من أمازون حول ٢٠ ريال
كونسيلر ميبلين أخذته من أمازون حول ٣٠ ريال
بير منيرالز فاونديشن باودر مات أخذته من سيفورا حول ٢٠٠ ريال
برونز جيرلان حول ٣٠٠ ريال
كحل ميك أب فورايفر للعيون الحساسة من موقع سيفورا حول ١٧٠ ريال
ماسكرا لوريال من صيدلية أدمة أظن ٩٠ ريال
روج بسام فتوح درجة Carott حول ١١٠ ريال
الشامبو الجاف من لي ستافورد من صيدلية النهدي حول ٨٠ ريال
ربطة الشعر من إتش أند إم حول ٣٠ ريال
كوب الشاي من سنتربوينت حول ٤٠ ريال
التنورة الميدي من اكسبرس حول ١١٠ ريال
القميص من ديناميت أو دايناميت مدري كيف ينطق هههه بحول ١٧٠ ريال
السنيكرز من برشيكا حول ٢٠٠ ريال