رمضان ☾ : فلوق اليوم الرابع ✩ وصفات معظم الأكلات الموجودة بالفيديو ♥



♥مرحبا بنات ♥ كيف الحال  رمضان مبارك عليكم يارب


أيضاً نكمل وصفات يلا 
نبدأ بالخبز اللي سويته للسحور

أول شيء تاخذيه صامولي عادي أو ممكن صامولي نوع فرنسي يجيك قاسي شوي
بس أفضل ذا الصامولي العادي عشان يجي أطرى ولما يتحمص يتحمص بقرمشة أكثر من إنه قاسي 

تقطيعه بالنص تاخذي ملعقه صغيره جبنه ساييلة ومايونيز وصوص ثوم شوي وتخلطيهم 
وتدهني فيهم الصامولي من فوق
بعد كذا تاخذي شرائح طماطم وتحطيها عليه وهلابينو اللذيذ ع حسب الرغبة 
وبعدين ترشي شوي فلفل أسود وممكن كمون أو كزبرة مطحونة 
وتدخليها الفرن من تحت تشغيل النار فرننا بسرعة يحتر وقوي أخليها من 5 إلى 10 دقايق 
وبسرعة أطلعها لا تنحرق 
بعد كذا أرش جبن مبشور واخليه شوي يذوب ويدفى الساندويتش وبالعاااافية على قلوبكم 


نجي لطريقة مكونة الأعواد الصينية :

هذه الأعواد تتسوا بالبخار إذا عندك بخار سويها فيه عشان ماتخرب ومرة قد جربناها بموية طلعت عاديه ترا بس مدري أحس تشرب موية كثير لدرجة لما تتبليها ماتمسك طعم التتبيلة ترا بس أنا اللي لاحظت من أهلي زي ماقلت لكم عندي مشكلة بلساني هههههه المهم إحنا نستخدم ألة البخار صحباتي يقولو نفس اللي تستخدم للمنتو بس ماقد جربنا المنتو عليها ولو أن حقتنا مو زيها اللي تجيك كذا طبقات المهم تسوي المكرونة بالبخار وع جنب تاخذي شوي زبدة وعليها في النار تقطعي جزر بصل ثوم كوسا فلفل رومي وملفوف واللي تبغيه من خضار حطيه عادي أنا ماحطيت لا ملفوف ولا كوسا لأن ماكان عندنا للأسف 
وتحركيهم ع النار بعد كذا تحطي المكرونة بعد ماتنجح من على البخار ع جنب وتاخذي بصينية ثانية شوي زيت وتحمري الدجاج ع حسب الكمية اللي تبغينها وعليها بهارات ع حسب أيضا ماتبغين اللي تبغين ( أسفة بنات أنا كذا شغلي بالطبخ مالي مقدار معين لأن ذوقي وذوق أهلي يختلف كثير عن كتب الطبخ أو الوصفات بشكل عام يعني مثلا نحبها حارة أكثر نحبها مالحة شوي نحبها بدون مرق نحبها مقلية مو مسلوقة زي كذا فا أنا أخذها بالمقدار وماأحكم عليها لا خلاص كل شخص وذوقه فانتي شوفي مقدار التتبيلات والخضروات والكميات اللي تناسبك) بعد كذا بعد ماينجح الدجاج تاخذيه وتحطيه ع الخضروات وأيضاً المكرونة تحطيها عليها وتاخذي ملعقتين صويا مو حلوة عادية وتخليها شوي تطبخ ع النار كذا حول دقيقتين وبعد كذا تاخذي ملعقة من الصويا الحلوة وملعقة صغيره سكر بني وملعقة صغيرة ونص نشا وتخلطيهم كذا لمدة دقيقتين وإذا حسيتها ناشفه حطي شوي موية وطفي النار وقدميها وبالهناء والعافية عليكم يارب


مكرونة الفوتشيني ( باستا ألفريدو )  : 
سويت عنها فيديو تلاقوها هنا تحت 



بعد كذا إحم إحم الشوربة اللي علمتني عليها عمتي سهلة جداً ولذيييييذة 
كأنه مو عاجبك بليز لاتصفقيني إذا عرفتي الطريقة لأنك كنتي أكثر وحدة متحمسة لها هههههههه
المهم 

شوربة السابنخ بالكريمة
تقدري تستخدمي شوربة السابنخ أو شوربة البروكلي الثنتين لذيذاتتتتتت

هذه وقت الأزمات أوف تفك عنك سريع سريع

تاخذي مغلفين من شوربة البروكلي أو السبانخ بالكريمة شركة ماجي متوفرة بكل البقالات والسوبر ماركتات
تحطيها ع النار وقبل ماتغلي تحطي علبة وحدة قشطة كبيرة 
وتحركيها لين تذوب القشطة وخليها لين تغلي وقدميها بالعاااافية لذيذة وسهلة واشكروا عمتي ع سرها الفنان ههههه

بعد كذا عندنا كمان فطيرة الجبن 
هذه فطيرة الجبن من يدات أمي الجميلة 
أنا : أمي تعالي نقليني الطريقة لمتابعاتي
أمي : طيب اكتبي 
أنا : حاضر يلا * فيس لابس نظارات*
أمي : أول شيء العجينة ياخذون كاس وثلاث أرباع دقيق أبيض وبنفس الكاس ثلال أرباعه موية دافية لا هي حارة ولا هي باردة 
وملعقة كبيرة خميرة ومبنفس الملعقة بينج بودر وكمان سكر وبنفس الملعقة 3 مرات حليب بودرة 
وفنجال شاهي زيت وتيخلطونها بالعجانة لين تتجانس ويخلونها ساعة تتخمر
بعد كذا ياخذون 4 حبات جبن مثلث ولا كيري وعلبة قشطة وملعقة سكر ويخلطونها ويخلونها ع جنب ويبشرون ربع حبه جبن كرافت أصفر ويخلونهم ع جنب بعد كذا ياخذون صينية دائرية ويدهنونها بالزيت ويقسمون العجينة اللي تخمرت قسمين وياخذون القسم الأول ويفردونه بالصينية ويحطون جبن الكرافت بالأطراف وبعد كذا نحط حشوة الجبن بالنص ويفردونها وياخذون الجزء الثاني من العجين ويفردونه بمقاس الصينية ويحطونه فوق الجبن يعني يقفلونها وبعد كذا تدهن من فوق بالبيض ولا بالحليب السائل ويرشون سمسم ولا حبة بركة ويدخلونها الفرن من تحت لين تستوي وشوي من فوق تتحمر ع خفيف وبعد كذا يقطعونها مثلثات زي البيتزا ويشربونها بالشيرة وبالعافية والهناء 

وبس سلامتكم هذه كانت طلباتكم  وألحين باروح أكل جعت من الوصف ههههه
أحبكم 



رمضان ☾ : فلوق اليوم الثالث ✩ وصفات معظم الأكلات الموجودة بالفيديو ♥



                                            ♥مرحبا بنات ♥ كيف الحال  رمضان مبارك عليكم يارب

نكمل طرق وصفات الأكل اللي موجودة بالفيديو 
طبعاً السلطة تكلمت عنها بالبوست السابق 
وألحين سألتوني على طريقة المنتو

المنتو الكذاب :
أول شيء تسوي طريقة الحشوة :
تحتاجي لحمة مفرومة وملعقة كمون وفلفل أسود وملح وبصل وثوم مفرومين فرم وتخلطيهم مع اللحم وتخلينهم ع جنب
كمية البهارات فيها ع حسب رغبتك أمي تحب تكثر يعني ملعقة كبيرة ملعقة كبيرة ع مقدار صحن صغير لحم مفروم زي كذا

بعد كذا تاخذي بصل أو بطاطس أو اللي تحبيه من الخضار بس إحنا نحب البصل أكثر
تقطيعه وتخليه بالصينية عشان لما تسوي المنتو مايلصق تحت وينحرق بسرعه فالأفضل تحطي شيء تحته
غير إن البصل بيعزز لك النكهة والطعم يمي يمي 
وبعدين تاخذي رقاق سمبوسة وتقطعيهم مربعات وتاخذي مقدار شوي ملعقة صغنطوطة لحم مفروم وتلفيها زي مو مسويه بالفيديو
وتقفليها بجبن أو دقيق وموية مع بعض وتحطيها بالصينية زي ما أنا مسوية 
وبعد كذا تاخذي كاسة موية حاااره انتبهي ع يدك وتحطي عليها ملعقة كبيرة جبنة وحبة ماجي وتخلطيهم جوا الكاس 
لين يذوبو ويتجانسو وتصبيها فوق المنتو بس إذا تحبي تحطي زيت زيتون شوي حطي مو مشكلة 

وتغطيها بالقصدير وتخرمي من فوق 3 خرمات بالأركان وتخليها بالفرن من تحت تقريبا لين تنجح ع حسب قوة حرارة الفرن تبعك
وبس سلامتك 
هذه الأكلة سألتوني عنها أكثر شيء بهذا الفيديو 
انتظروني بالفيديو والبوست الجاي يلا 

رمضان ☾ : فلوق اليوم الأول ✩ وصفات معظم الأكلات الموجودة بالفيديو ♥



♥مرحبا بنات ♥ كيف الحال  رمضان مبارك عليكم يارب
طبعاً عارفين من أول إنو أنا مسوية قناة ثانية للفلوقات وكذا وسويت مؤخراً فلوقات تخص رمضان وسألتوني عن أكلات 
ووصفاتها وألحين راح أكتب لكم بإذن الله الوصفات أوكي قلباتي طبعاً زي مانتم عارفين الأكل منا ومن أهلي أو أخوالي فامعضم الأكلات ماراح أقدر أعطيكم وصفتها ، أوكي يلا نبدأ بسم الله 

أول شي بهذا الفيديو : 

سألتوني عن السلطة 
باقولكم بشكل عام السلطة مالها قانون بإمكانك تحطي وتقطعي اللي تحبيه إنتي وأهلك 
أنا هنا قطعت اللي كان قدامي بالثلاجة يعني مو شيء معين 
بس الفرق في طريقة تبهيرها 
وطريقة تبهيري هي إن أهم شيء السلطة لما تقطعيها في أشياء بداخل الخضروات لو قطعتيها مع الخضروات تسبب موية كثيرة بالسلطة وبالتالي تروح نكهة السلطة لو جيتي تبلتيها بتضيع التتبلية بالمرقة وتصير لك سلطة بالموية ولا المرقة هههه فا إحنا نحبها مره ناشفة 
مثلاً الطماطم : اللي بداخل الطماطم سائل لزج كذا وبداخله البذور هذا تشيليه عشان ماتصير السلطة مليانة موية وتقطعي بس اللي برا
فهمتوا علي أيضاً بشكل عام لما تقطعي الخضار بأحجام صغيرة تكثر مويتها لأن كذا كأنك طحنتيها فأنا أفضل تقطعينها بأحجام كبيرة أولاً أحس طعمها يصير أكثر لذة وثانياً فائدتها تبقى في الخضار أكثر من لما تفرمينها تقطيع .
ثاني شيء الليمون والملح والفلفل الأسود وزيت الزيتون والخبز المحمص هذه هي إضافاتنا للسلطة عشان تخليها أكثر لذة 
أيضاً معظم الأحيان نضيف حلبة مزروعة بالماء يمي يمي وكمان فروالة مقطعة والطعم جنااان عاد إنتي وذوقك بالسلطات
الخبز المحمص اللي أضفته هنا بالفيديو تحصلوه بالسوبر ماركت هو عبارة عن شيبس ومرة مرة آسفة الكيس خلص واترمى  ولاني عارفة أسمه بس تحصلوه بجهة الشيبسات وشوفو شكله كيف مرة واضح وأكياسه تجي كذا فخمه حلوه هههه وفي نكهات زبدة ومدري ايش احنا اخذنا خبز بالزبدة .

أيضاً سوت أختي سلطة الجرجير :
سلطة الجرجير المفروض تكون جرير ورمان بس للأسف اكتشفنا إن الرمان مخلص من الثلاجة وقامت أختي 
قطعت جرجير وطماطم وزينتهم بالجبن هنقاري وبعد كذا رشت شوي ليمون وملح وزيت زيتون  بس لاتكثري ملح وليمون لأن الجبن مملح وحامض أوكي ؟! وبس 

بعد كذا عندنا : 
صينية الدجاج بالكريمة 
مكوناتها 
صدور دجاج ع حسب الكمية اللي تبغيها 
بطاطس مقشر ومقطع مكعبات
جزر مقشر ومقطع مكعبات
بروكلي مقطع ع حسب الحجم اللي تبغيه
وكمياتها ع حسب إنتي ماتبغين تحب يالبطاطس أكثر تحبي الدجاج أكثر تحبي الجزر أقل خفيف اللي تبغييينه براحتك

بعد كذا تتبلي الدجاج بملح وثوم وتحطي زيت شوي أو زبدة ع النار وتحطي فوقها الدجاج وحبة ماجي أو بهارات إيطالية ع حسب ماتبغين بس إحنا نحب البهارات الإيطالية لذيذه تحصلوها بالسوبر ماركت قسم البهارات وبعد كذا لين تنقل يالدجاج وينجح مزبوط 
تقومي تاخذي علبة كريمة مع علبة صغيرة قشطة وع النار لين يتجانسوا في هذه الأثناء تحطي الخضروات اللي قطعتيها بالصينية اللي بتقدمي فيها وبعدها الدجاج عليها وتصبي الكريمة فوقهم وتغطيها بالقصدير وجوا الفرن من تحت شوي ربع ساعه أو ثلث ع حسب قوة النار اللي عندك بعد كذا تطلعيها وترشي جبن مبشور عليها وبالعافية والصحة يارب 


أوكي وكذا تقريباً خلصنا الأشياء اللي سألتوني عنها الباقي شيء معروف شربة وسلطة مطحونة والعصيرات ومدري كيف إذا حابين أكتب لكم طريقتها كمان 
أكتبوا لي تحت بالتعلقيات 
أحبكم 

طلبيتي لـ " فرش سيقما " الإحترافية !! ( الإنطباع الأول ) - Ana Chic


♥ Hi Girls
would you like to see my first impression on SIGMA BRUSHES .
click the video please
مرحبا بنات 
تبغوا تشوفوا انطباعي الأول عن فرش سيجما 
اضغطوا ع الفيديو