متعلقة بالماضي ولاّ بس إشتقت ..

متعلقة بالماضي ولاّ بس اشتقت ، مدري ! يعني مرات ينقال عني إنتي شخصية طفولية بس لا أنا مو شخصية طفولية ، بس يمكن يكون السبب إني متعلقة بالماضي وإني ما أحب التجديد بحياتي أو بالأحرى أخاف منه وما أتقبله بسرعه ، هذا ليش دايماً مايمر عليّ وقت لازم أرجع أفتح كل شيء قديم يخص حياتي أول ، ألحين اللي يشوفني يقول عمرها ذي 40 سنة هههههه ، بس لا أكيد العشرين سنة هذه مرحلة وتعتبر من أهم المراحل بالحياة وأجملها وكل الذكريات الحلوة ترتكز عليها بعدين في مستقبلي ، في بداية نشأتي أول سنتين بحياتي كنت متخبطة مابين الجنوب وجدة ، أبوي الحنون كان يشتغل بجدة وأمي الجميلة كانت تدرس الكلية بالجنوب فكنت متخبطة مابين الجنوب وجدة ، مرات أجلس مع جدتي وخالتي بالجنوب ومرات أجلس مع أمي لما نقلت بجدة ، فجزء صغير مني إلا مايحنّ ويشتاق للجنوب مرات ، أهلي يجون فجأه يقولون يلا بنطلع الجنوب وأنا أقلب أسد وقتها وأعصب لا ما أبغى ومدري كيف ؟! وفجأه بعد أسبوعين أجي عند أهلي يلا نطلع الجنوب يومين ونرجع أبغى أشم ريحتها ، يب شيء عجيب !، في هذه المرحلة قبل أستقر بجدة مع أهلي كان في تفاصيل صغيرة ما أقدر أنساها لما كنّا بالجنوب ، بيت جدي لأمي والتلفزيون والراديو حق جدّي الله يرحمه وجدتي أم جدتي << يعني أم أم أمي الله يرحمها ، وفي بيت جدي لأبوي الحوش والسيكل حقي والساعة وجدي أخو جدتي الله يرحمه ، آخ قربت أبكي لما تعمقت في ذي الأشياء ♥

من أكثر الأشياء اللي تحرك فيني المشاعر الجزء المتعلق بأفلام الكرتون وأي شيء بالتلفزيون ، راح أوريكم شوي منها :

* اللي ماتسمع موسيقى لا تفتح أي فيديو من اللي حطيته اللهم بلغت اللهم فاشهد *

أول سنوات طفولتي أتذكر أكثر شيء :

 

 بعدين خلاص دخلت مرحلة الابتدائي صرت بعدها أحب الأفلام كرتون اللي ذات مغزى كذا وقصصية فبداية الابتدائي ما أفتكر إلا :


وبرنامج كان من برامجي المفضلة للأبد بس للأسف ماحصلته ع اليوتيوب اللي هو برنامج كيف وليش كان يجي ع القناة اللبنانية ♥

 بعد كذا أتوقع كنت سنة رابع أو ثالث مدري كنت أتابع كل يوم كل يوم يابنات الساعة خمسة العصر على القناة السعودية الأولى مسلسل وداعاً ماركو وبعدها في هذيك الفترة كنت أتابع أيضاً مسلسلات مختلفة في قنوات مختلفة :


بعدين لما وصلت سنة خامس فتحت قناة سبيس ستون الجميلة آآآخ ياربي *فيس يبكي* ، سبيس تون كانت جزء كبير من طفولتي الجميلة ، أول مافتحت القناة كنت أتفرج وبشكل يومي أول ما أرجع من المدرسة كرتون باص المدرسة :


أيضاً كل شيء كان يجي بقناة سبيس تون أتابعه هههههه واللي أفتكره منها وكان يعجبني :


لا معليش دقيقة ريمي ماكانت تعجبني مره كانت تجيب لي الحزن لدرجة الكره والكئآبة بس كنت أتابعه المسلسل عشان كل أهل البيت كان يتابعه وننتظر بشغف الحلقة الآخيرة ، أيضاً اللي أعشقه مدينة النخيل كذا أحس المسلس كان راقي وممتع هههههه :


طبعاً أفلام كرتون ديزني أول مرة تفرجت ع أفلامهم لما كنت سنة ثاني ابتدائي فكان كل ترم هدية نجاحي لازم يتخللها فيلم كرتون من ديزني ، بأحط لكم اللي كنت أحبه وأعشقة وأتابعه بكل أجزائه من سنة ثاني لين أتوقع أولى متوسط أو ثاني متوسط :



وثلاث أفلام أعشقهم أعشقهم لحد ألحين اللي لو تبغوني أسمع لكم إياهم راح أسمع لكم إياهم من كثر ما كنت أشوفهم ومازلت :


والفيلم اللي أيضاً حفظته ومن الأفلام الجميلة ههههه وهذا فاكرة بالتمام كنت سنة سادس وأول أيام إجازة الصيف اشتريته :


كل هذه الأفلام كرتونات هي اللي كنت أتابعها بشغف وأعشقها وأكيد كان في أفلام كرتونات كنت أشوفها بس ماكانت تستهويني كثير أو ماكنت أفهمها أو ماكانت تخليني كذا انترستينق أبوت ات كذا تثير انتباهي ، زي ليدي ليدي يعني معليش يانفسي وأنا صغيرة إيش كنت أحس فيه ليش ماكنت أتابعه هههههه  ، ألحين جالسه أحمل حلقاته عشان أشوفه مالي دخل لازم أعوض قصته تجنن وجميلة كذا تحسيها رواية أوروبية بريطانية فينتج راقية ، ميزة الأوروبين إن فيهم رقيّ مميز ، فروايتهم جميلة جداً وكذا تحسيها راقية ، وأقرب للواقع والمنطق والأدب العام♥

ماراح أعيب أفلام كرتونات ألحين فيها الكويس والسيء، بس بشكل عام هي تفتقرإلى التهذيب النفسي للأطفال ♥

إيش أكثر مسلسل أو فيلم كرتوني كنتي تتابعيه وإنتي صغيرة ؟
تحسي نفسك متعلقة بالماضي ؟ وودك يرجع زمان أول ؟ < حسيتني جدّه 
في بنات أعرفهم من النوع اللي كبروا بسرعه ههههه يعني رابع ابتدائي مافي كرتون خلاص ؟ هل كنتي منهم ؟

4 comments

  1. اهلا رنوووو
    والله المااااضي احبه واحن له بشكل مجنون
    كيف كنت العب مع اخواتي
    كيف كنا نطلع البر وكانت الدنيا خضرررراء والمووويه تسيل ف الوادي واحنا نلعب فيها
    مزرعتنا الجميله اللي كانت متنفس لناااا
    البقرة اللي كانت عند امي وكيف كنت احلبها واساعدهااا
    افلام كرتون اللي احبها قرية التوت فلونه وداعا ماركوو نوار الي وستانلي النمر الوردي واشياء كثثثيره

    الا ليت الزمان يرررجع :((

    ReplyDelete
  2. This comment has been removed by a blog administrator.

    ReplyDelete
  3. اهليين رنو... امس شفت تدوينتك ع السريع من الجوال بس ماطلعت لي المقاطع
    واليوم دخلت من اللاب
    عن جد كثييير احن لايام زماااان .. كنا مستمتعين بأيامنا صح .
    ..
    تقريبا كلها اللي ذكرتيها كنت اتابعها .. في مدينة النخيل وقرية التوت ومااااركو واااو ي حبي له والا طرزان الشجاع خخخ.. وعهد الاصدقاء يووه ي انها حزينه .. وسيمبا وسالي وو.. وبرضو بابا فرحان كان يجي برمضان ايام المدارس اتذكر ماكنت انام الظهر لحد ما اتابعه ..
    بس ما ذكرتي فلم كرتوني حق النحل واللي فيه الملكة وانهم يصنعو العسل ما ادري ايش اسمه .. ما ادري اذا تتذكريه كان حلو .. ماتتذكري برنامج نسرين وابهار ( الله يذكرهم بالخير)

    هههههههه تذكرت انشودة بين الماضي وبين الحاضر لمن قدموها البنات بمجلس الامهات في الابتدائي كان تمثيلهم رهيب ماشاء الله

    عموما اسفه طولت بالتعليق رجعتينا معاك لزمن كان جميييل .. يعطيك العافيه ي جميله

    ReplyDelete
  4. This comment has been removed by the author.

    ReplyDelete

♥رأيك يسعدني ♥ fell free and comment♥