February Favorites ♥ مفضلاتي لشهر فبراير


أهلين حبيباتي تأخرت عليكم بمفضلاتي مو ولا مو مو ؟
طيب راح أتكلم لكم اليوم عن مفضلاتي لهذا الشهر وإن شاء الله تستفيدوا منها ولو بشوي
 * أعتذر لو تصويري هذه المرة مش ولا بد لكن السرعه السرعه تخبص لك كل شيء *

 مفضلاتي في العناية بالبشرة والشعر :


Liquid Facial Soap Mild

صابون الوجه من كلينك للبشرة المختلطة ، زي منتم شايفين وصلت للنص ، مره حبيته كثير لأبعد حد ممكن ، ينظف البشرة بعمق وبطريقة مره حلوة يعني ماينشفها ويخليها كذا فريش مره ، استخدمه معظم الأحيان كمزيل مكياج وينظف لي المكياج من وإلى سواء للأرواج الصعبة وأيضاً الماسكرا، استخدمه مرتين يومياً إلى مره باليوم ع حسب .

♥♥♥♥


Clarifying Lotion 2

تونر الوجه أيضاً من كلينك ، هو للبشرة الجافة ، طبعاً أنا قلت لها أبغى للمختلطة قالت لي والله مخلص بس مره أنصحك في هذا أبداً مايدهن وجهك وكأنه للبشرة الدهنية راح يعجبك متأكدة ، توكلت على الله وقلت على نصيحتك ولو إن سعره مايتهين إني أجازف ، وبالفعل بالفعععل كلامها صحيح أبداً مادهن ببشرتي ينظف بعمق العمق عارفين لما أغسل بالغسول أحس إن وجهي نظيف ومنتعش بس لما أرجع استخدم التونر مع القطنة أوف ياساتر تطلع بلاوي ماتتصورون أحسها تطلع من الخلايا اللي تحت الجلد ههههه ، حبيته كثير وكمان زي منتم شايفين وصلت للنص ، فيه عيب واحد يخليني ما أقدر استخدمه أكثر من مره باليوم اللي هو لما أحطه يحرقني بس ماهو هذاك الحرق الغير محتمل عادي يعني بالكثير 50 ثانية وخلاص يختفي و تبدأ تبرد بشرتي ، استخدمه مرة وحده يومياً .

♥♥♥♥


L'Oreal Studio Silk & Gloss Hot Straight Spray

سبراي حامي أو واقي الشعر من الحرارة ، هذه ثاني علبه اشتريها ، مره جميل وبالفعل شعري ماحسه تضرر إذا استخدمته قبل ما أسويه بالسيراميك أو حتى الاستشوار أو الفير ، ريحته لطيفة ويعطي الشعر لمعه ونعومه ، واستخدمه حتى لو مااحتجت أسوي لشعري ستايلنق عادي بأي وقت أحب استخدمه أحسه شيء منعش مره أحبه وأحب لونه وعلبته وكل شيء .

♥♥♥♥

مفضلاتي في المكياج :


Sleek sugar blush palette

باليت سليك بلاشر اسمه شوقر ، اللون اللي بالنص أخذ عقلي اسمه : Muscovado واستخدمته هذا الشهر أكثر بلاشر والله ههههه بكل اللوكات استخدمته ، هو الوحيد من بين أخوانه يثبت أكثر ولونه أقوى وفيه شيمر ذهبي مره ظريف وحلو يعطي كذا لوك قلو مدري حبيته مره مره على لوني وبشرتي .

♥♥♥♥


Maybelline color sensational bold matte -Mat6

تكلمت عنه بشكل تفصيلي - هنا -  واضح إنه مهري من كثر ماستخدمته ههههه ، لو أقولكم هذا الشهر طفشت العالم بيه ! حتى لو كنت بطلعة صباحيه أحط منه كذا مدري خلاص مزاج حره بكيفي ههههه ، لونه قوي من طبقة وحده يبان معاك ، تحطيه مرتين يغمق وهكذا مرة أحبه ولازم أدور له بديل ولا ممكن أبكي للأبد :( .

♥♥♥♥
 
  
Sigma E15 - Flat Definer
هذه الفرشاة كانت من الفرش القلائل اللي استخدمها بس هذا الشهر بجد بجد صايره استخدمها بأشياء مرة كثيرة ، مرات أستخدمها لحواجبي مرات لما أرسم خط تحت عيوني قبل أدمجه بفرشة ثانية ، مرات أرسم فيه بالجل آي لاينر ومرات أسوي فيه بتحديد الوجه أو الكونتور شفتها الطريقة بقناة كيلي ع اليويتوب أتوقع اسمها كذا ، المهم صرت أستخدمها باستخدامات مرة كثيرة أنا بإذن الله راح أسوي تدوينة لفرش سيقما قريب بإذن واحد أحد .

♥♥♥♥

 مفضلاتي الفاشونية :

آآآآع إنني مغرمة جداً بهذا الفلات أنا قربت أهريه هري والله صرت أخاف عليه من نفسي أخاف أهريه وأخبصه وما عاد ألاقي زيه *فيس يبكي* مره حبيت هذا الفلات ولبسته هذا الشهر على جميع أو خلوني أقول أغلب ملابسي سواء لما أروح لضيوف جمعات أهلي وكله كله ، مره شيك وحلو ومره مبسوطه فيه خلاص استحيت هههههه المهم ودي أبوسها بس هي جزمه كلها جراثيم وغير كذا إحنا العرب أفا أفا أبوس جزمه وأنا رنا بنت أحمد مدري ايش مدري ايش كلام كذا ههههه أوكي خلاص باحط نقطة واسكت باجيب العيد .
 
♥♥♥♥

مفضلات عشوائية :
    
Forever Pink Fragrance Mist
عطر أو سبراي للجسم مرة جميل من فيكتوريا سيكرت حاطته عند باب غرفتي لما أصحى من النوم وأخلص روتيني الصباحي بغرفتي قبل أطلع أخذ لي كم رشة على جسمي وأطلع ، يومياً يومياً هههه كذا تحسي بانتعاش فضيع ومع كثرة الاستخدام حبيته بقوة .
 
♥♥♥♥


Clarity Nail Polish no.354

اللون هذا أكثر لون أو مناكير استخدمتها خلال هذا الشهر أول شيء لونها جميل جداً وسبق وقلت لكم عليه لون خريفي روعه ، ثاني شيء عشان أظافيري قصيتها قبل فترة قبل شهر تقريباً فطولها ألحين متوسط فاللون هذا مره حلو طالع عليها نفس بالصورة بس حالياً أظافيري أطول بشوي ههههه ، أحبه كثير .

♥♥♥♥ 

وسلامتكم هذه كانت منتجات أو أشيائات حبيتها خلال هذا الشهر يارب استفدتوا منها

لو لك تجارب مع أي شيء ذكرته ياليت تسردي لنا إياها  

 

8 comments

  1. حبيت لون صبغ الأظافر ..
    يعطيك العافيه.

    ReplyDelete
    Replies
    1. وأنا حبيتك <3
      الله يعافيك نورتيني <3

      Delete
  2. هاجر خالد *Monday, March 03, 2014

    انتي مصدر سعادتي المكياجيه ♡♡♡♡
    من وين شريتي البلشر طيب :( ؟

    ReplyDelete
    Replies
    1. ههههه دوم يارب حبيبة قلبي
      تفضلي هذا الموضوع تلاقي المندوبة اللي اشتريت منها تحت آسفل الصفحة
      http://www.chioca.com/2014/01/blog-post_26.html

      Delete
  3. مفضلاتك جميله
    حمستيني انزل مفضلاتي اللحين D:
    البلشر ان شاء الله طالبته طالبته 3> 3>

    ReplyDelete
    Replies
    1. الله يجمل أيامك يارب <3
      يلا قدام اشتريه وقولي لي رأيك فيه <3

      Delete
  4. يا جماااالك رنوووو
    مفضلاتك كلها عجبتني
    بالذات منتجات كلينيك
    بشرتي زيك مختلطه لوكن حساسه تنصحيني اشتري نفس هالاشياء
    او فيه للبشرة الحساسه؟
    وكم سعرهااا

    ReplyDelete
    Replies
    1. الله يجمل أيامك كلللللها يارب <3
      أنا بشرتي جداً حساسه لو حطيتي إصبعك عليها صار أثر اصبعك أحمر ههههه < صيغة مبالغه بس تصير لي بعض الأحيان
      بس ماتحسست منها أبداً غير من التونر يحرقني لما أحطه بس حرق مستحمل يعني ماتحمر بشرتي من بعد ماحطه مدري شيء غريب ويجلس لك بس 50 ثانية ويختفي الحرق تحسي ببرودة
      أسعارها الصابون أو الغسول مع التونر أخذتهم حوالي 300 ريال من دبنهامر أتوقع
      نورتيني <3

      Delete

♥رأيك يسعدني ♥ fell free and comment♥