دفتر جداول كيوته لتنظيم الوقت والعمل ❤ Cute Planner


 ❤ Don't you worry About A Thing
Cute Planner

مرحبا بنات ❤ وحشتوني كثير وغبت مره كثير عارفة :( أحس مره قلة أدب كل شوي أعتذر منكم هههههه بس مره آسفة  ، اليوم راح أوريكم حاجة طلبتها من موقع علي إكسبريس اللي هو موقع صيني  ، طبعاً مره كنت متخوفة منه لأنه أول شيء موقع صيني وغالباً ماتكون المواقع الصينية غير مضمونه فاا سويت بحث كثير عنه وطلع إنه موقع مضمون وتقدري تطلبي بكل أمان من بطاقتك الفيزا وكلو كلو بإماكنكم تسوا بحث عنه بقوقل وتشوفوا

دخلت الموقع تصفحت تصفحت ولازم تعرفوا حاجة عني إني إنسانه أحب التنظيم بشكل ماتتصورنه ، يعني دايماً أشوف البنات يكتبوا بأنهم غير منظمين وفوضويين وكنت أحس إني أنا الغلط هههههه بجد بجد ، فا أنا إنسانه منظمة جداً ما أمشي ولا أسوي شيء غير لما أكون مخططة له مسبقاً ، وإذا شيء دخل وغير تخطيطي فجاءة ولا خربت علي حاجة بيكون من أسوأ الأيام بحياتي ولا أقدر أتقبل أبداً اللي حصل وأكون عايشة بتوتر وقلق ، يب يب يب انصدموا أو استغربوا بس للأسف هذا طبعي من وأنا صغيرة ، غير عن كذا يمكن صديقاتي هههههه اللي من أيام الابتدائية يعرفوا إني أعشق كل شيء كيوت بالحياة وخصوصاً الورق والطوابع والاستيكرات ع قولة أختي رنيم تقول لو أحد سألني اش هواية رنا بأقوله جمع الطوابع هههههه ، فلما أشوف أشياء كيوت خلاص يصير عندي زي الجوع لازم أخذها ولا باموت :( ، فجلست أتصفح الموقع وكان مليان مليان أشياء كيوت وتزنن بما إن الموقع صيني وأغلب التجار فيه صينين ومعروف إن شرق آسيا موطن الكياته كلها ، فقلت أحتاج كاليندر أو منظم للوقت والشغل وجلست أدور لين طحت على هذا الشيء الكيوووووت ياربي ودي أكله ، مره كيوت وحبيته وقلت يابنت باشتريه باشتريه ، وشفت تجي معاه زي الطوابع أو الاستيكرات الكيوتتتتتت مره بس للأسف ماطلبتها لأن الطلبات لما تطلبيها من الموقع ماتجي بصندوق واحد كل تاجر يرسل أغراضه لوحده ، فحسيت بخوف شوي وخفت إنها تضيع ولا مدري قلت أجرب أول مع هذا البلانر وبعدين أشوف ، يلا خلوني أوريكم المنظم أو البلانر :


البلانر مقسم بالبداية لتنظيمك السنوي بعدين الشهري بعدين الأسبوعين وبين كل وكل صفحات حاطين صفحات للنوتات العامة ، يكفي حق سنة وحدة من التنظيم بشكل ممتاز ومنظم مره، حمجه مره حلو يدخل بأي مقاس شنطة أحس لأنه صغير لو تلاحظوا حجمه بجنب حجم الجوال آيفون فايف ، الورق مره قوي وروعة يتحمل أي نوع حبر ممكن تكبتوا عليه ، الرسمات اللي فيه كيوت وتدنن ، ألوانه صافية وجودتها مره مره عاليه ، فكرة التنظيم فيه سهله لكل الأعمار وتحمسك تكملي اللي مخططه له .

طلبته من موقع علي إكسبرس - هنا
بسعر : 9.99 $ دولار
 الشحن اخترت الشحن المجاني 

طبعاً بما إنه شحن مجاني ومن موقع صيني يعني لازم أتحمل شعور بأنه راح يوصلني متأخر 
طلبته بتاريخ :  2014.05.24
وصلني بتاريخ : 2014.07.21

أهم شيء وحاجة يابنات لما تشتروا شيء من الموقع لازم تتأكدي بأن التاجر اللي راح تشتري منه ثقة بتقولي كيف ، أقولك شوفي التقييمات وعدد الطلبات منه اقرأي وشوفي .

 آخ حبيت البلانر مره أكثر من البلانر الرسمي اللي اشتريته من إندونيسيا ، بإذن الله راح أبدأ تنظيم وقتي كويس حق بقية هذه السنة والسنة الجاية ، مره مبسوطة بطلبيتي وإن شاء الله تكون التدوينة عجبتكم .


 

4 comments

  1. سؤال لو ممكن !
    انتي يوم شريتيه من موقع علي اكسبريس وسويتي شحن مجاني ! هل وصلك المنتج لين عنوانك أو وصل للجمرك وانتي رحتي تستلمينه؟؟
    أرجو الإفادة

    ReplyDelete
    Replies
    1. أنا مشتركة بخدمة واصل فلما وصلهم جابوا لين عند باب بيتي :)

      Delete
  2. كييف اشترك بخدمة واصل دخلت الموقع و لا عرفت شي :(

    ReplyDelete
  3. مرا كيوت البلانير , انا نفسك احب التنظيم بشكل لدرجه استانس لما انظم الشي تقطعينه بالعافيه :*

    ReplyDelete

♥رأيك يسعدني ♥ fell free and comment♥