هدية من { قولدن سنت } ✿




وصلتني هدية جميلة جداً من الموقع الأكثر من رائع - قولدن سنت - يعني إيش أقول وإيش أخلي ماشاء الله بصراحة أتمنى منهم يستمرون على نفس هذا النهج من ناحية التغليف والتوصيل السريع مرة يعني لو بغيتي شيء ضروري بسرعة راح يوصلك خلال يوم واحد فقط ، وغير عن كذا أول ماوصلتني العلبة قلت الله راح تكون فكرة جميلة جداً لو سويت لأحد مفاجاءة وأرسلت له أي حاجة من اختياري بالعلبة هذه وأرسله على طول لبيته ☺، بتكون حاجة صراحةً تجمّل .

نبدأ نتكلم عن أول نقطة التغليف والكرتون اللي وصلني فيه زي منتم شايفين فوق تيجن ن ن ن ، ماشاء الله كرتونه قوية تستحمل مليون ضربة ههههه << عشان عندي عقدة لما أطلب حاجه وتجي بكرتونه تجيني مفغصه ومهرية ، من جوا أرسلوا لي ثلاث عينات من عطور ، وكوبون تخفيض بـ 25 ريال في حال لو طلبت مره ثانية بإذن الله من عندهم ، يعني ماشاء الله شكلها مره مره شيك  .

التوصيل ، حطيت لهم البريد السعودي حقي العادي ، اللي المفروض يكون عند كل شخص بالسعودية ، ووصلتني خلال يوم واحد لحد باب بيتي عن طريق آرامكس ، استغربت إنها وصلت لباب بيتي بالعادة لما أطلب شيء عن طريق أي موقع وبريدهم غير البريد السعودي لما توصل عندهم يكلموني أجي أخذها مو هم يوصلونوها لبيتي ، لكن هذول وصلوها لين باب البيت وبسرعه والصباح كمان ، وزيادة لو طلبتي أكثر من 300 ريال راح يكون التوصيل مجاناً .

العطر اللي وصلني منهم هو : إستي لودر بليجرز - Estee Lauder Pleasures - حجم 50 مل ،  من العطور الباردة مرة ماتزعج الأنف ولا تجيب صداع ولا تسد الشهية هههههه ، هذا تفسيري لمنطق العطور الباردة الهادئة مو القوية المركزة الحارة ، يقولون برجي هو أكثر الأبراج تركيزاً بالروائح << محد مجنن أهله بالبيت ، عموماً نرجع للموضوع ، عطر بارد وهاديء يناسب الربيع والصيف والمناسبات الصغيرة والصباحية ، عطر ينفع تستخدميه بشكل يومي زي ماقلت ريحته ناعمة وهاديه ماتزعج ولا تضايق من إنها تكون يومية ، ريحته ريحة أناقة ونعومة ريحة ورود على شوية مسك أو زي ماهم كاتبين بوصف موقعهم ( خشب الصندل ) تحسونها ريحة نظافة وأناقة وريحة فريش ، أحسها بالحر تبرز أكثر وتطلع وتفوح ، مشبهين الريحة بموقعهم الرسمي مثل ريحة الانتعاش اللي تصيب الزهور بعد ماتمطّر عليها *وصف يجنن ماقد شميناه بالصحراء القاحلة يالله ترزقنا الجنة* ، العطر يعتبر من أفضل المبيعات من عام 1995 ميلادي ، حجم العطر مره حلو وبإمكانك تشيليه بأي مكان وبأي حجم شنطة ، بس نصيحة عشان تحافظين على ريحة أي عطر وتبغينها تكون ريحتها زي ريحتها لما فتحتي علبتها ، انتبهي دايماً تكون بعلبتها وبداخل درج مظلم وبعيد عن الرطوبة والحر والنور والشمس وراح تبقى لك ريحتها زي ماهي ، وهذه النصيحة طبقوها بالعطور اللي سعرها غالي وتعورك بقلبك لما تدفعي مبلغ سعره كذا وبالنهاية تتغير ريحته بفعل عوامل التعرية ههههه ، ولو مثلاً حبيتي تستخدمي عطر بشكل يومي استخدمي عطور الشنطة الصغيرة تقدروا تشتروها من أي مكان وتصبوا فيها على قد ماتبغي وترجعي الباقي بالدرج بكرتونته وإذا ماعندك مشكلة بتغيير الريحة أو تحسي إنك ماتلاحظي فمافي مشكلة .

سعر العطر : 300 ريال تلاقونه بموقعهم - هنا -
* مع ملاحظة يابنات أتوقع إن أسعارهم تختلف عن أسعار السوق ، يعني ممكن تكون أسعارهم أرخص فأحسها فرصة ذهبية للعرايس اللي بتشتري أكثر من عطر ممكن يكون مكسبك فيها أكثر ، بس قبل تأكدوا من هذه الملاحظة *

موقعهم الرسمي :
www.goldenscent.com




4 comments

  1. ياسلام ماكنت اعرف الموقع هذا

    ياعمري مشكوراه وحمستيني لللللعطررر تتهني

    ReplyDelete
  2. This comment has been removed by the author.

    ReplyDelete
  3. موضوع رائع وكتير حلو ولفت انتباهي لأني أحب العطور بشكل كبير والشيء الثاني هو اني طلبت من هذا الموقع www.goldenscent.com عطر سي العطر المميز من جورجيو ارماني ريحته راقية جدا وقوية ويناسب الخريف والشتاء، سعره على موقع قولدن سنت 395 ريال ومرة طلبت عطر ليدي مليون من يييباكو رابان عطر أنوثي منعش أحسه فخم يمكن من زجاجته الذهبية الأنيقة كان سعرع 289 ريال... بالنسبة لي كنت أدفع عند استلامي للعطر وهاي خاصية رائعة بتدل على انهم متيقنين وواثقين من زبائنهم وهذا شيء يعطيني كعميل الثقة الكبيرة فيهم، ومثل ما ذكرتي التغليف يجنن ومرتب وآمن على المحتويات الي بداخلة حتى اني قرأت انو هذه العلب صديقة للبيئة وهذه ميزة حلوة فيهم.
    توصيلهم سريع ممكن ياخذ من يومين أو ثلاثة أيام وهي مدة قصيرة. وكل فترة عندهم عروض خيالية وتخفيضات قوية على العطور ويمكنكم تستغلوا عرضهم لهذه الفترة والي هي تخفيضات آخر السنة، خصومات حتي 200 ريال أقل وبتشمل عطور كثيرة وأسعارها طرية جدا لازم تجربوها لانها فرصة لاتعوض... هذا لنك التخفيضات http://www.goldenscent.com/clearence.html انجووووي

    ReplyDelete
  4. Goldenscent Coupon Code is best deals and offers for fashionable brand.

    ReplyDelete

♥رأيك يسعدني ♥ fell free and comment♥