عنّي - About me

اسمي رنا ، عمري 24 سنة ، ما أقدر أقول خبيرة ولكن أقدر أقول أنا كاتبة لتجاربي الشخصية وعاشقة لكل شيء يندرج تحت مسمى الجمال والموضة والحياة .

خطرت لي فكرة التدوين وافتتاح قناة على اليوتيوب في نهاية عام 2010 م ، بس ماكان عندي الجرأة ولا الإلمام بالطريقة الصحيحة عشان أسويها ، بداية هذيك السنة كنت توني متخصصة انجليزي في الجامعة فأغلب النصائح اللي كانت تجيني عشان أطور اللغة واكتسبها بمتابعة الناس اللي تتكلم انجليزي في شيء أنا أحبه ، فكنت كل يوم أفتح اليوتيوب وأكتب بالانجليزي Makeup وأجلس أتفرج وأسمع الأجانب كيف يتكلمون وأحفظ كلمات جديدة وبنفس الوقت في شيء أنا أحبه وأتونس فيه ، مع الأيام بدأت أكتسب معلومات غنية عن المكياج والفاشون وأشوف تجارب البنات وايش الأشياء اللي نازله جديدة وكيف هو أسلوب حياتهم وأشياء كثيرة ، بجد نهاية هذيك السنة تفكيري تغير وصرت أعرف أشياء كثيرة ، بعد فترة كبر الإهتمام وصرت مدمنة يوتيوب وقراءة كتابات البلوجرز وبالأخص متابعة العناوين اللي تتعلق بالجمال والموضة وأساليب حياة الغرب ، وظليت أفكر بالتدوين والقناة على اليوتيوب ، في عام 2012 يوم 3 أكتوبر قررت أتشجع وأفتتح القناة والمدونة ، وتحمست أسوي أول فيديو بتحصلوه في قناتي ههههه وحملته وكانت ردود الفعل إيجابية بشكل خلتني ما أقدر أنام شهر ههههه، خلال تقريباً شهر أنجنيت بالـ 20 مشتركة بقناتي ، بعد سنة وحدة من افتتاحهم اليوم وصلت لأكثر من 30 ألف مشتركة في قناتي وحققت مشاهدات تعدت الـ 3 ملايين مشاهدة  ، جداً مبسوطة جداً متفائلة جداً أعشقكم .

في نهاية عام 2016 حققت الهدف ووصلت ١٠٠ ألف متابع على قناتي باليوتيوب .

شكراً لكل بنت أخذت من وقتها وعلقت على فيديوهاتي أو مدونتي ودعمتني ووقفت معاي وتابعاتني كل يوم وكل شوي ، أتمنى من كل قلبي أكون مفيدة عليكم ولو بشيء صغير أقلها أرسم ابتسامة على وجهكم :)

أحبكم ترا *فيس يغمض عيونه*